-- ADVERTISEMENT --
KALIBO, Aklan — Naga pangatubang sa kasong physical injury ag pag eabag sa RA 10591 ukon Comprehensive Firearms and Ammunition Regulating Act ro daywang eaeaki matapos manakit it masahista ag madakpan it baril sa sangka massage parlor sa Osmena Avenue Kalibo, Aklan.
Gin kilaea ro mga suspek nga sanday Lucio Frias, 47, sangka negosyante agRex Rapzing, 27, parehong residente it Brgy. Duran, Dumalag, Capiz ag temporaryong naga estar sa Brgy. Manggan, Banga, Aklan.
Bangud sa kahilungon sinakit sigon it mga suspek ro masahistang si Mary Ann Flores nga magdangopsa kapulisan.
Sa follow-up operation it Kalibo Police Station, nabo-oe kay Rapzing ro sangka .45 kalibre nga baril, sangka magazine nga may ap-at nga bala ag owa it naga kaigong dokumento.
