KALIBO, Aklan — Nakaangkon it third degree burn ro daywang mangingisda matapos sumabog ro makina it andang barutong pangisda sa kaeawran nga sakop it Sibuyan Sea.
Ginkilaea ro mga biktimang sanday Felipe Abelardo Jr., 39, ag Rodel Jimenez, 24, parehong residente ko probinsya it Antique apang presenteng naga-istar sa Sitio Baybay, Barangay New Buswang, Kalibo, Aklan.
Ginapahayag nga lima sandang nagpangisda gamit ro baruto ag pauli eon kunta ro mga raya kat nagpundo ro makina.
Ginhana sigon raya nga ayuson ni Abelardo kat gulping sumabog.
Apisar nga ninahan hay haeos sang oras sigon sandang nagpaeotaw-eotaw sa tubi hasta sa naagyan it iba pang mangingisda ag na-rescue.
Padayon nga ginabueong sa sangka pribadong ospital ro daywang samtang na-discharged eon ro tatlong iba pa.
Sa makaron hay padayon pa nga ginaimbestigahan it mga otoridad ro naging kabangdanan it pagsabog.
