KALIBO, AKLAN – Gintaasan pa it provincial government sa 2 million ro target nga tourist arrivals makarong 2017 sa isla it Boracay.
Raya hay matapos nga naempasan ro ginpunteryang 1.7 million ko 2016 nga umabot sa kabilugang 1,725,483.
Sa datus it Provincial Tourism Office, kaibahan sa top 10 sa mga turistang nagbakasyon sa isla hay naghalin sa South Korea, China, Taiwan, Malaysia, USA, Australia, United Kingdom, Saudi Arabia, Russia ag Singapore.
Samtang, ginpahayag ni Caticlan jetty port administrator Niven Maquirang nga ginaeaumang magabuhos ro mga turista sa unang quarter it dag-on bangud sa pag-host it Boracay sa Association of Southeast Asian Nations (ASEAN) Summit sa Pebrero 11 hasta it Marso 2.
Ap-at nga pagpueong sigon ro pagahiwaton sa isla.
Mag-eowas dikara, sambilog ro Boracay sa nagapagunang cruise destination sa bilog nga Asya.
