UPDATE: KALIBO, Aklan — Eowas ag una eon sa mayad nga kahimtangan ro daywang mangingisda nga napabalitang naduea umpisa ko Lunes nga adlaw, Agosto 19 samtang sakay it sangka baroto halin sa Alcantara, Romblon ag paagto kunta sa banwa it Kalibo agud nga magbaligya it pusit.
Suno kay Cipriano Marcelo it Municipal Disaster Risk Reduction and Management Office ukon MDRRMO-Alcantara nga sa paghinakop makaron it MDRRMO San Fernando, Romblon sanday John Mark delos Santos, 29, ag Welmar Amar, 16, apang si delos Santos hay ginpabueong sa ospital bangud sa anang nina .
Suno sa panaysayon it mga biktima nga samtang nagapa-agto sa Kalibo hay nasamaran eon sanda it makina , apang natigayon nga maayos ag naka-abot sa andang destinasyon.
Sa andang pag-uli, uman sigon sanda nga nasamaran it makina ag nagbinugsay eon lang hasta nga inapok sa may parte it Sibuyan Island bangud sa mabaskog nga hangin ag humbak.
Gintatap sigon sanda it mga opisyal sa Brgy. Azagra San Fernando, Romblon .
Owa eon sigon sanda naka-contact sa andang pamilya matapos nga ma-low-bat ro andang cellphone.
