POLICE Report — Dead on the spot ro daywang babaye matapos nga makabungguan it andang ginasakyan nga motorsiklo ro kasub-eang nga tricycle sa Sitio Baldoza, Brgy. Cabungahan, Cawayan, Masbate bandang alas- 4:00 it hapon it Huwebes.
Nakilaea ro mga biktima nga sanday alyas Jennifer, driver it motorbike ag ro anang angkas nga si alyas Lynlyn, parehong residente it nasambit nga lugar.
Suno sa impormasyon, ginabiyahe it motorsiklo ro kahabaon it National secondary road paagto sa Barangay Poblacion kat mag-overtake raya sa kotse sa andang unahan ag tamaan ro nagapaabot nga tricycle.
Sa kabaskog it banggaan hay sumubsob sa semento it karsada ro daywang biktima nga insigida nanda nga ginkamatay.
Nag-angkon man it gaob sa eawas ro driver it tricycle samtang eowas ro pasahero nana nga unga.
