-- ADVERTISEMENT --
Nagsunggaban sa ere ro daywang US Navy EA-18 fighter jets samtang nagapatigayon it aerial exhibition sa Gunfighter Skies Air Show sa Mountain Home Air Force Base sa Idaho ku Mayo 17.
Auno sa report, nag-eject nga euwas ro ap-at nga crew members halin sa daywang two-seat electronic warfare aircraft ag nakaeuwas matapos magpanaog sa paagi it parachute.
Insigida nga rumesponde ro emergency teams sa lugar it insidente samtang ginapatigayon ro imbestigasyon.
Base sa paunang impormasyon, bumagsak ag sumabog ro mga eroplano sa guwa it base.
Bangud sa insidente, gin-lockdown ro air base ag kinansela ro nabilin nga parte it air show.
-- ADVERTISEMENT --
Uwa man it nareport nga nasakitan sa mga tumaean-aw.
