POLICE Report — Nagapangatubang sa reklamong alarm and scandal ro daywang content creator sa Cabadbaran City matapos nga maghimo it sangka ‘public stunt’ nga naka-disturbo sa ibang mga residente ag nakompromiso pa ro seguridad it publiko.
Gindetalye it Cabadbaran City Police Station kun paalin nga naka-disturbo sa daeagan it trapiko, mga residente ag mga biyahero ro ginhimo it daywang content creator.
Ko Abril 19, ginbutang it mga vlogger nga sanday Johnreil Alibio ag Elton Wen Lara ro sangka toilet bowl sa tunga it intersection sa Barangay Mabini rason nga nakadisturbo sa mga motorista.
Matapos nga ibutang ro inidoro sa tunga it karsada hay nagpungko pa si Alibio nga naka-uba sa sueod it pilang minuto samtang gina-video-han imaw ni Lara.
Ko ulihi hay ginpaguwa ro content sa andang social media page nga “CBR BOYS.”
Insigidang gin-aresto ro daywang vlogger ko gabi-i it Sabado nga makaron hay nagapangatubang sa reklamo.
