KALIBO, Aklan — Arestado sa ginpatigayon nga buy-bust operation ro sangka 22-anyos nga ina sa isla it Boracay.
Nabo-oe sa suspek nga si Anacel Taunan, residente it Brgy. Yapak sa isla ro sangka sachet it ginadudahan nga shabu kabaylo it P2,200 nga buy-bust money.
Base sa report it Malay Police Station, una sa target list nanda ro suspek ag mabuhay eon nanda nga ginasubaybayan.
Ginpamalibaran man it suspek ro pasibangud ag ginhambae nga planted ro nabo-oe nga droga.
Igapaidaeum ro suspek sa drug test kamana man sa nagakaigo nga eksaminasyon ro nakumpiskang ebidensiya.
Nasayuran nga si Taunan hay nagatrabaho sa sangka resort ag may daywang unga nga may edad ap-at nga buean nga eapsag ag sangka ap-at nga dag-on nga eaeaki.
Bueag sigon imaw sa anang live-in partner nga nagatrabaho bilang construction worker ag naaywan sa anang poder ro andang mga maintok pa nga mga unga.
Kasong pageabag sa Comprehensive Dangerous Drugs Act ro igapasaka kontra sa suspek.
