KALIBO, Aklan — Nakataeanang igapasarado ro pilang mga establisimento komersiyal sa isla it Boracay.
Suno kay Boracay Inter-Agency Rehabilitation and Management Group (BIARMG) head Natividad Bernandino ro closure hay igapatuman bangud sa kawad-an it nagakaigo nga permit samtang ro iba hay may mga building nga may overhang.
Ro ginpatigayon sigon nga operasyon makaron nga adlaw hay ginaeauman nga massundan pa.
Ginapa-revoke man ni Natividad ro business permit it mga establisimento nga may pageabag sa 25+5 meter easement sa karsada ag baybayon nga hasta sa makaron hay owa nagapatigayon it self-demolition.
Ginabasoe man it BIARMG ro dating OIC head it CENTRO-Boracay bangud sa pag-isyu it compliance certificate sa mga tag-ana it nasambit nga building maskin nga owa pa natibag ro andang overhang.
Pila sa mga ginpadaehan it notices of violation ro parmasya, cellphone shop, restaurants, grocery store, laundry shop ag sangka banko.
