KALIBO, Aklan – – – Nagapangatubang sa kasong pagbayolar sa RA 10591 matapos nga mabue-an it sangka calibre it baril.
Ro suspek hay nakilaea kay Jhon Reynold Reyes,26 anyos residente it barangay Estancia, Kalibo.
Ginasugid nga naga-ihi sa guwa it sangka kaean-an sa banwa it Kalibo ro suspek rason nga ginsita raya it tagreklamo nga nakilaea kay Rowelyn Ignacio, 47 anyos.
Apang, insigida sigon nga gintutukan it bari ku suspek ro nasambitang tagreklamo.
Bangud kara, nagpatawag it police assistance si Ignacio ag natigayon nga makorner ag madakpan ro suspek nga si Reyes.
Insigida nga gindaea sa Kalibo Police Station ro suspek ag narekober kana ro calibre .38 nga baril ag mga bala.
Sa makaron hay sa kostudiya eon it Kalibo PNP ro nasambitang suspek para sa nagakaigo nga disposisyon.
