POLICE Report —- Arestado ro tatlong katawo matapos nakumpiskahan it P3.5 milyon recycled nga mantika kat salakayon it mga ahente it Criminal Investigation and Detection Group (CIDG), kun sa siin nakumpiska ro recycled ag bukon it rehistradong mantika nga nagabalor it P3.5 milyon sa probinsiya it Isabela.
Suno kay CIDG chief Maj. Gen. Nicolas Torre III, nadakpan ro mga suspek nga nakilaea eamang sa mga pangaean nga Bonaleth, tag-ana it NB Cooking Oil Trading; Catherine, kahera, ag John, nga imaw ro naga-deliver it andang mga mantika.
Sa ginpaguwa nga report it CIDG, ginsalakay ko Pebrero 26, 2025 ro bodega it mga recycled nga mantika sa Barangay Buenavista, Santiago City.
Nakumpiska it mga awtoridad sa nasambit nga lugar ro 173 nga galon it mantika, mounted storage, digital weighing scale, funnel, 1 closed van, ag sangka 10-wheeler tanker truck nga may nakatatak nga “NB Cooking Oil.”
Insigidang ginkandado it Food and Drug Administration (FDA) North Luzon Cluster ro bodega bangud sa owa pagsunod sa mga laye ag regulasyon.
Nagapangatubang makaron ro mga suspek sa kasong pageabag sa Section 11(K) it Republic Act 9711 (Food and Drug Administration Act of 2009) for selling unregistered or misbranded health products; RA 7394 (Consumer Act of the Philippines) for false labeling and unsafe goods; ag RA 10611 (Food Safety Act of 2013) for violating food safety standards and selling adulterated or misbranded products.
