Ginbasura it Commission on Elections (Comelec) en banc ro mga petisyon it mga petitioner para baliskaron ro pagbasura sa mga kaso kontra sa kandidatura sa pagkapangueo ni Presidential aspirant Bongbong Marcos.
Sa botong 6-0-1 hay ginpalig-on it komisyon ro pagbasura sa ap-at nga disqualification cases kontra sa dating senador.
Kaibahan sa mga bumoto para ibasura ro petisyon hay sanday Commisioners Aimee Neri, Aimee Ferolino, Socorro Inting, Rey Bulay ag Chairman Saidamen Pangarungan.
Nag-inhibit man kara si Commissioner George Garcia nga dating counsel ni Marcos sa anang poll protest sa pagka-bise presidente ko 2016 elections.
Ginpaathag it komisyon nga nabasura ro mga motions for reconsideration it mga petitioners bangud napas-eawan sigon ro mga raya nga magpresentar it bag-ong argumento para kumbinsihon ro poll body nga baliskaron ro naunang desisyon para sa petisyon kontra kay Marcos.
