Gaabot sa 34 milyong Pilipino o una sa 6.9 pamilya ro magapanginpueos sa ‘Bigas 29’ program it National Food Authority (NFA) nga nakataeana nga ilunsar sa Metro Manila ag piling mga lugar sa nasyon.
Ro programa hay katuyuan nga maibaligya sa mga Kadiwa centers ro imbak nga bugas sa haega nga P29 kada kilo.
Ro programang “Bigas 29” hay limitado eamang sa vulnerable sector kapareho it mga benepisyaryo it conditional cash transfer program it gobyerno, persons with disabilities, senior citizens ag solo parents.
Ginsiguro man it NFA nga may ibaligyang luma nga bugas hay manami ro kalidad ag nag’agi sa manami nga pag’eksamina.
Suno pa kay Lacson nga may ginasunod sandang standard nga kun naka-tatlong buean ro bugas hay mahimo raya mai-consider nga aging stock pero ro tatlong bueang bugas sigon hay bukon it old stock bangud sa papel eamang ro paghambae nga aging stock ro bugas.
