Ginkilaea it Department of the Interior and Local Government (DILG) ro 38 lugar sa nasyon bilang election hotspots.
Suno kay Interior Secretary Jonvic Remulla, una sa 27 halin sa 38 nga ginkilaea nga hotspots hay una sa Bangsamoro Autonomous Region in Muslim Mindanao (BARMM).
Dugang it sekretaryo nga magahiwat sanda it special meeting parte sa election hotspots sa November 15 para talakayon ro mga contingencies kun ano ro dapat himuon para masiguro ro euwas ag patas nga eleksyon.
Strikto man nga ginbantayan ro ikatlo ag ikaap-at nga distrito it Leyte kun siin ro Albuerta nga nakalista it mga casualty o patayan.
Samtang, una eun nga ginpahayag ni Philippine National Police chief Gen. Rommel Marbil nga ginsugo nana ro mga police unit sa bilog nga nasyon nga striktuhan ro seguridad, partikular eun kontra sa mga armadong grupo nga mahimo makagambala sa paeaabuton nga campaign period para sa 2025 elections.
——————————-
