Kalibo Aklan —-Nag-abot eon sa probinsya it Aklan ro kapin sa 47 ka mga repatriated Overseas Filipino Worker’s halin sa Metro Manila kabi-i adlaw it Lunes.
Suno kay Provincial Health Officer I Dr. Cornelio Cuatchon Jr., kan-o pa natapos it nasambit nga OFW’s ro andang quarantine period apang makaron eamang ro mga raya nataw-an it clearance nga makauli sa probinsya.
Apang, inde man sanda makadiretso sa andang tagsa ka pamilya bangud nga igapaidaeom ro mga raya sa 14 days quarantine period matapos nga maboe-an it swab sample nga igapadaea sa Western Visayas Medical Center, Department of Pathology sa syduad it Iloilo, ro sub-national laboratory accredited it Department of Health (DOH)-Research Institute for Tropical Medicine (RITM).
Sa pihak kara, fully booked eon ro daywang ka hotel nga gintaeana itProvincial Government bilang quarantine facility.
Bangud kara, posible nga sa ligtas COVID- Center it natungdan nga mga banwa sanda iga-quarantine.
Sa makaron sigon hay nagapabilin nga zero positive COVID-19 case ro bilog nga probinsya it Aklan.
