KALIBO, AKLAN — Gin bida ni Senador Bam Aquino ro padayun nga pag inabo it numero it mga Negosyo Centers sa bug-os nga nasyun nga umabot eon sa makaron sa 470.
Sa probinsiya it Aklan sigon sa sueod eamang it sang dag-un haeos katunga eon ro nakaangkon it waeong Negosyo Centers kun siin sa Mayo 18 hay pormal eon nga paga buksan ro sambilog pa sa isla it Boracay.
Gin pahayag ni Aquino nga tinotuyo it Republic Act No. 10644 nga imaw ro author nga mabuligan ro mga Micro, Small and Medium Enterprises (MSME’s) nga mapaumwad ro andang negosyo kamana man nga makahimo it dugang nga trabaho sa nasyun.
Sa 800,000 eon sigon nga mga maisot nga negosyo ro nabuligan kara.
Madumduman nga ro Go Negosyo Act hay naging kasuguan ku Hulyo 15, 2014.
Si Senador Aquino ro naging dinapit nga bisita sa 61st Foundation anniversary it Aklan makaron nga adlaw nga may tema makaron nga dag-un nga “Soaring Aklan Towards Greater Opportunities”.
