6.5 million nga kakueangan it nasyon sa proyektong pabaeay, pagatinguhaan nga masolusyonan it gobyerno

Ginatinguhaan it Department of Human Settlements and Urban Development (DHSUD) nga masolusyunan ro kapin sa 6.5 million nga kakueangan it nasyon sa housing project.

Sa Laging Handa Briefing ginpahayag ni DHSUD Asec. Avelino Tolentino, raya ro rason kung ham-an ginapatutukan ni Pangueong Ferdinand Marcos Jr. ro konstruksyon it 1 million housing units kada dag-on.

Gin-insister it DHSUD official, nga owa eamang nanda nakikitang solusyon ro pagpatindog it kapin sa an-om nga million housing units sa sueod it an-om nga dag-on, kundi nagapati man sanda nga posible raya nga magtuga it pag-umwad it ekonomiya it nasyon.

Natyempo suno kana bangud kadungan raya it gina-ubra nga tikang it gobyerno agud nga makabangon ro nasyon halin sa epekto it pandemya.