Para sa mga ginikanan nga eubus nga nagakabaeaka kun makabatyag it bukon it manami ro andang mga unga eabi eon ro pagsakit it ueo.
Hayra ro pilang mga bagay nga dapat nga bantayan .
Sayuron kon ro sakit it ueo hay may kaibahan nga eagnat ag stiff neck .
Indi makatangda , indi masarangan nga idukot ro baba sa dughan ag indi masarangan nga magtango .
Kon raya hay indi masarangan, daehon sa emergency room it ospital bangud nga posibleng may una nga meningitis ro unga.
Nakaexperiensiya it sakit it ueo nga indi maduea maskin nga nag-inom it paracetamol ukon ibuprofen.
Kon ro sakit it ueo hay may kaibahan nga pagpaeanuka maskin nga owa it eagnat ukon paghigku it mabasa.
Posibleng may viral infection ukon nauntog it mabaskog ro unga ag nakaangkon it mataas nga pressure sa utok.
Kon ro sakit it ueo hay may kaibahan nga pagiging madueuygon , nabudlayan sa pagtikang , kamana man nga nabudlayan nga maghambae ag maghueag .
Kon ro sakit it ueo hay nagiging rason it pagkabugtaw it unga sa gabi-i samtang nga nagakatueog .
Kinahangean nga daehon sa doktor ro unga .
Kon ro sakit it ueo hay naga-grabe kon naga-eubog ro unga .
Raya hay senyales it nagataas nga pressure sa utok it unga ag kinahangean nga insigidang matan-aw it doktor.
