-- ADVERTISEMENT --
KALIBO, Aklan — Patay ro sangka 69-anyos nga lola nga eaon matapos raya nga ma-trap sa anang baheay nga nasunog bandang ala-1:00 it kaaganhon sa Barangay Ibao, Lezo, Aklan.
Ginkilaea ni FO1 Ariel Villareal it Bureau of Fire Protection (BFP)-Numancia ro biktima nga si Bartela Lauriano nga ginapahayag nga naga-isaeahaeon eamang sa kaugalingong baeay.
Nakibot eon lang sigon ro pamilya ag kaeapit-baeay it magueang nga maeapit sa lugar kat eamunon it kaeayo ro baeay ni Lauriano.
Ginapatihan nga bangud sa ginsindihang kandila ro rason it kaeayo nga umabo sa baeay it biktima nga human sa light materials.
Narekober ro bangkay it magueang nga haeos indi eon makilaea pilang oras matapos maapula ro kaeayo.
-- ADVERTISEMENT --
