BUSINESS News– Ginsalakay it bilog nga puwersa it Bureau of Internal Revenue (BIR) sa bilog nga nasyon ro kabilugan nga 747 nga mga baealigyaan, warehouses, ag nagkaeain-eain nga establishments.
Suno kay BIR Commissioner Romeo Lumagui Jr., tanan nga traders ag owners it mga ginsalakay nga negosyo hay pagapasakaan it kaso ag pagasamaron ro mga nakumpiskang baligya.
Ro kabilugan nga tax liability it mga non-compliant businesses hay bukon pa it klaru bangud nga nagapaidaeum pa sa proseso it imbentaryo ro tanan nga mga nakumpiskang items.
Ro daywang adlaw nga national enforcement activity hay ginpangunahan ni Commissioner Lumagui kaibahan ro tanan nga mga Revenue Regions ag Large Taxpayers Service.
Uman nga nagpadumdum ro BIR chief sa mga business stablishment nga magbayad it excise taxes.
Kinahangean sigon nga magsunod sa regulasyon sa excisable products.
Nauna eon nga nagpatigayon it nationwide raid ro taeatapan ko Enero ag tanan nga illicit traders hay ginkasuhan eon.
