NATIONAL News — Ginpahayag ni Bureau of Immigration (BI) Spokesperson Dana Sandoval nga may 8,000 nga turista ro nag-abot sa Pilipinas, kun sa siin, kapin sa 27% to 30% kara hay mga dumueuong.
Raya hay matapos nga buksan eon it gobyerno ro mga borders sa mga dumueuong nga biyahero agud nga mapabaskog ro turismo ag ekonomiya it nasyon.
Suno kay Sandoval, hugut nga gina-usisa it Bureau of Quarantine (BOQ) ro mga ginapakitang ‘vaccination cards’ it mga turista agud nga masiguro nga nakasueod sa sueundanan it nasyon.
Sa pihak kara, ginpahayag ni Sandoval, nga kun makita nga raya hay gin-peke ukon owa nakasunod sa regulasyon it gobyerno ro vaccination cards, ginapasa ro mga dumueuong nga biyahero sa BI nga imaw ro magapatuman it pagbaeabag nga makasueod ro mga raya sa nasyon.
