KALIBO, Aklan—Ginpasiguro it Department of Education ukon DepEd-Aklan nga padayun nanda nga gina-adopt ro mga tikang nga ginapatuman agud nga masabat ro mga ginapangatubang nga problema it mga estudyante ag manugturo nga nagakalisod sa idaeum it distance learning set-up.
Suno kay Dr. Miguel Mac Aposin, Schools Division Superintendent it DepEd-Aklan nga may ginapatuman sanda nga academic ease agud nga mabuligan ro mga estudyante ag manugturo nga maka-adapt sa bag-ong modes of learning.
Pila sa mga ginataw-an it konsiderasyon hay kon indi eagi makasumite it activities ag iba pang tasks ro mga estudyante kamana man ro pagpaeapad pa it mental health support sa mga teachers, learners, ag mga ginikanan.
Tuyo kara nga malikawan ro stress ag kalisod tuga it pandemic.
Samtang, ginpasaeamatan man ni Dr. Aposin ro mga ginikanan sa suporta nga ginatau sa mga inunga agud nga padayun nga mag-eskwela sa tunga it malisod nga pagpangabuhi.
