KALIBO, Aklan—Gin-anunsyo it Diocese of Kalibo nga nagpositibo sa Coronavirus Disease 2019 ukon COVID-19 ro sambilog sa andang kaparian.
Raya hay matapos nga makaangkon it close contact sa sangka COVID-19 positive si Rev. Fr. Arvic Jimenez ko nagtaliwan nga Abril 26.
Bilang pagsunod sa naga-iral nga health protocols, insigidang nag-isolate si Fr. Jimenez kun sa siin makataliwan ro sang adlaw hay ginsaylo man raya sa quarantine facility sa banwa it Kalibo.
Raya eamang adlaw it Sabado kat ginpaidaeom imaw sa swab test ag natukiban nga positibo sa deadly virus.
Apang, ginkabig man raya nga asymptomatic.
Si Fr. Jimenez hay ro Team Ministry Member it St. John the Baptist Cathedral sa banwa it Kalibo.
Nag-apela man it pangamuyo ro Simbahang Katolika para sa insigidang pagmayad it nasambit nga pari.
