-- ADVERTISEMENT --
KALIBO, Aklan—Ginpa-ueanan it batikos ni Pangueong Rodrigo Duterte makaron nga adlaw it Martes ro mga senador nga gustong imbestigahan ro gina-alergar nga pag-waldas it pondo it gobyerno nga para kunta sa COVID-19 pandemic response it nasyon.
Partikular nga ginpatutsadahan it presidente si Senator Richard Gordon nga suno kana hay puro eamang pa-pogi ag owa man it hinimuan para sa nasyon.
Gin-engganyo pa kara ro mga pumueoyo nga indi pag-ibalik sa pwesto ro mga presenteng senador nga nakapungko sa pwesto eabi eon ag maeapit eon lang ro eleksyon.
Insigida man nga ginsabat nanday Gordon ag Senador Panfilo Lacson ro mga patutsada it pangueo.
