Sa tunga it waea-tuo nga krisis sa kalibutan, nakita ro pinakamaabung “stressed” nga trabahador sa Pilipinas kumpara sa iba pang mga nasyon sa Southeast Asia.
Raya ro nagguwa sa “State of the Global Workplace: 2022 Report” it Gallup, sangka global analytics ag advice firm, kun sa siin 50% it 1,000 respondents nga Pilipinong nagatrabaho ro nakabatyag it stress sang adlaw antes ro interview.
Nagapangaywa man ro Thailand, 41%; Cambodia, 38%; Myanmar, 37%; Vietnam, 35%; Singapore, 34%, Laos, 32%; Malaysia, 27% ag Indonesia, 20%.
Base sa labor code, kaeabanan nga 40 oras kada domingo ro trabaho it sangka normal nga empleyado samtang nakahigot it hasta sa 570 pesos per day ro minimum wage sa Metro Manila, nga pinakamataas sa bilog nga Pilipinas.
Pila sa mga baeasihan it mataas nga stress level ro bukon it patas nga trato sa trabaho, nga pinakamabahoe nga source it burnout, nga ginasundan it naga-abu nga workload, malabong komunikasyon sa manager, kawad-an it manager support ag bukon it makatarungang time preasure.
Bangud sa manaba nga sweldo ag mataas nga inflation rate nga pinakamataas makaron umpisa ko November 2018, nadugangan sigon ro stress it mga Pinoy rason nga may una nga mga naga-usoy pa it dugang nga trabaho.
Ginlaygayan man it gallup ro mga trabahador nga mag-eowas sa trabaho, mag-usoy it maayos nga boss eabi pa ag ro limang rason it work stress hay kaeabanan nga nagahalin sa mahinang leader sa trabaho.
