Ginatutukan sa makaron ni President-elect Ferdinand Marcos Jr. ro posibilidad nga maamyendahan ro termino it mga barangay officials kaibahan ro mga barangay kapitan.
Ginpahayag ni incoming Executive Secretary Vic Rodriguez nga kato paman nga senador pa si Marcos hay kaibahan eon ra sa mga pabor sa ginaduso nga laye nga dugang limang dag-on nga termino sa mga barangay officials ag may term limit nga tatlong magkasunod nga dag-on.
Apang pag-amin ni Rodriguez nga hugot nga ginatutukan sa makaron ag owa pa it pinal nga desisyon kapin pa ag magatuga gid raya it mabahoe nga haega it gastos sa eleksyon.
Gin-insister man ni Atty. Rodriguez nga ro pagtao sa mga barangay officials it mas mahaba nga term of office hay makabulig nga maga-umwad sa andang serbisyo ag padayon nga pagdumaea kumpara sa puro eamang postponement.
Mataeopangdan nga ro barangay ag sangguniang kabataan elections hay nauna eon nga ginpaiway ku nagtaliwan nga dag-ong 2019 matapos nga si President Rodrigo Duterte hay pinirmahan ro Republic Act 11462 para maging laye.
Samtang, tuyo man kara nga mapadayon it mga barangay officials ro mga programa nga naapektuhan bangud sa pagka-delay it mga budget.
