Nasayuran baea ninyo nga may nutrisyong benepisyo man ro olive oil sa atong ikamayad nga eawas.
Nadiskubre it mga eksperto nga maabu nga benepisyong pang-ikamayad nga eawas ro mabo-oe sa pagkonsumo it olive oil.
Suno sa mga pagtuon, ro olive oil hay mayad nga source it Vitamin E, Polyphenols, ag Mono-Unsaturated Fatty Acids.
Ginasugid nga nakakabulig raya agud nga mabawasan ro peligro it pag angkon it heart disease.
Nakakabulig man ro olive oil sa pagpa-eambo it buhok kun sa siin kaeabanan nga problema it mga kababayin-an maskin it mga kaeaeakin-an.
Pwede man raya nga alternatibo ukon pangbaylo sa butter ukon margarine sa mga gina-eaha naton nga pasta ukon rice dishes.
Suno sa mga eksperto, maabung benepisyo ro olive oil, apang bukon raya it alternatibong bueong sa anuman nga klase it sakit .
