Ginakabig ni Aklan first district board member Nemesio Neron it Sangguniang Panlalawigan nga welcome development nga naeakip sa legislative priority ni Pangueong Ferdinand Marcos Jr. ro pagbalik sa mandatory Reserve Officer Training Corps ukon ROTC nga priority man nga programa ni Vice President ag Department of Education ukon DepEd Secretary Sara Duterte sa andang administrasyon makaron.
Suno kay Neron, kinahang-ean nga ro tanan nga able citizen hay makapaidaeom sa military training bangud nga engkasong makaangkon it kinagamo nga imbolbado ro nasyon hay makasukoe ro tanan.
Mag-eowas kara, madevelop man sa mga pamatan-on ro disiplina, self confidence, maenhance ro andang physical condition ag pagpalangga sa nasyon.
Uwa suno kana it dapat nga kahadlukan ro mga inonga sa pagpaidaeom sa military training bangud nga mabahoe ro maibulig kanda kara.
Ro mga nagakontra nga grupo hay makabig nga makawaea ag saea ro andang ginasundan nga idelohiya.
