Ginmaduan it Department of Education (DepEd) ro Department of Trade and Industry (DTI) nga bantayan ro presyo it mga school supplies makaron nga pagbukas it klase.
Ginpahayag ni DepEd Spokesperson Atty. Michael Poa, nakipag-angot eon sanda sa DTI para masiguro nga owa it mapasobra sa presyo it mga notebook, papel, ballpen, bag, school uniform ag iba pa.
Ginahinyu man nanda sa taeatapan nga magpaguwa it price selling para maka-angkon it pag-giya ro mga ginikanan sa andang mga pagabakeon.
Indi sigon dapat makaeusot ro sin-o man nga magapataas it sobra sa presyo nga mga manugbaligya bangud sa kalisod it kabuhi.
Sa makaron, padayon ro koordinasyon it taeatapan sa DTI para masiguro nga owa it maga-abuso sa pagsueod it mga studyante sa nagahilapt nga panibag-ong pagbukas it klase.
