Buluntaryong nag-resign sa anang puwesto si Agriculture Undersecretary Leocadio Sebastian matapos nga mabulgar ro bukon it otorisadong hagna nga pag-angkat kunta it 300,000 metric tons nga asukal.
Raya ro ginkumpirma ni Press Secretary Trixie Cruz-Angeles kabi-e, adlaw it Biyernes.
Si Sebastian ro nagatindog nga undersecretary for operations and chief-of-staff ni Pangueong Ferdinand Marcos Jr. sa DA.
Gin-aku ni Sebastian nga ro pagpirma nana sa Sugar Order 4 hay owa ga sakto sa direksiyon it Marcos administration sa sugar industry.
Nagpangayo man raya it pasaylo bangud sa pagpirma kara sa dokumento nga owa it nagakaigo nga pag-apruba maghalin sa mismong.
Sa pihak kara, nagpasaeamat man si Sebastian sa pagtao sigon it pagsalig kana it presidente ag makapanerbisyo sa gobyerno.
Nauna eon nga ginpahayag ni Sec. Cruz-Angeles nga suspindido anay ro pilang mga opisyal nga nakapirma sa Sugar Order 4 samtang ginapatigayon ro imbestigasyon.
Gin-insister man ni Cruz-Angeles nga ro Pangueong Marcos ro chairman it Sugar Regulatory Board rason nga imaw man ro magataeana it ano man nga meeting ukon agenda.
Kung siin ro ano man nga ginhimu naday Sebastian hay “illegal.”
Ro nasambit nga kontrobersiya hay nagguwa matapos nga baeabagan it Pangueong Marcos ro pag-angkat it 300,000 nga tuyo kunta nga mapanaba ro presyo it asukal ag mabuhinan ro kakueangan nga magabuhay eon lang sa katapusan it buean.
