Kapin sa P58 billion nga kantidad ro owa pa nababayaran nga land amortization fees ag interests it mga mangunguma ro igapasa owa it bisa maghalin sa proposed condonation suno kay Agrarian Reform Secretary Conrado Estrella III.
Ginpahayag it Agrarian reform chief nga indi makaapekto ro condonation program sa gross domestic product (GDP) it nasyon.
Mabahoe man raya nga bulig para sa mga mangunguma bangud sa pihak nga pagabayaran nanda ro andang eugta hay pagagamiton eon lang nanda bilang dugang capital ag para mas mapakamayad pa ro andang pagtanom ag mas maabu pa ro andang paga-anihon kung siin mabahoe man ro maga-agto kanda nga ginansya.
Dugang pa ni Estrella nga kapin sa 650,000 agrarian reform beneficiaries ro magabenipisyo maghalin sa proposed condonation measure.
Una eon nga ginmanduan it Pangueong Bongbong Marcos ro kongreso sa anang unang SONA nga magpasa it sangka laye nga maga-amyenda sa Section 26 it Republic Act 6657 ukon ro Comprehensive Agrarian Reform Law of 1998 para matubos ro mga mangunguma maghalin sa andang mga kautangan.
Samtang, nakataeana man nga pagapirmahan it pangueo kasunod it pagselebrar it anang ika-65 kaadlawan sa Setyembre 13 ro executive order sa 1-year moratorium sa pagbayad it amortization ag interest it agrarian reform beneficiaries.
