Haom nga igapangatubang it suspendidong Bureau of Corrections (BuCor) Director-General Gerald Bantag ro mga posibleng kasong igapasaka kontra kana para malimpyo ro anang pangaean nga ginpapangaeanang mastermind sigon sa pagpatay sa mamahayag nga si Percy Lapid.
Gin-anunsiyo it abogado ni Bantag nga si Atty. Rocky Balisong nga makigbuylog ro hepe it BuCor sa nasambit nga kaso ag ginahueat eon sigon it kampo kara ro igapaguwa nga subpoena.
Ginpahayag duagng pa it abogado it BuCor chief nga paga-pangatubangon nana ro tanan na igapasaka nga kaso kang mapa-kriminal man ukon administratibong kaso para matumod ro bilog nga kamatuoran.
Ginklaru ni Balisong nga owa sa gihapon it ginapaguwang subpoena para kay Bantag nga magkaiba man sa mga nagaguwa nga report nga kung siin naserbi eon sigon raya sa dati karang address.
Ginahueat it kampo ni Bantag ro nasambit nga subpoena para matun-an ro mga alegasyon ag gilaron nga maga-aksiyon ag magadihon it counter-affidavit.
Uman nga gin-insister it kampo ni Bantag nga owa nagapanago ro BuCor official bangud owa man raya it rason para raya hay magpanago ag owa man sigon it warrant of arrest.
