KALIBO, Aklan—Ginaengganyo makaron it National Irrigation Administration ukon NIA nga magdiversified farming ro mga mangunguma eabi eon sa western side it probinsya it Aklan.
Raya hay kasunod it hana nga epekto it El Niño kon sa siin sa nasambit nga lugar hay ginatantya nga kapin sa 400 hectares it kaeanasan ro inde maabot it pagpatubi it ahensya.
Suno kay Jaime Ibardolaza, senior resource facilities technician it NIA Aklan nga may construction it main cannal rason nga ginkasugtanan nga rotation ro pagpatubi sa western side nga ginakaeakipan it mga banwa it Makato, Malinao, Lezo ag Numancia rason nga ginaengganyo nanda ro mga mangunguma nga magtanom eon lang anay it mga tinuean-on agud nga inde sanda mawad-an it kita.
Samtang, pag-abot mat-a sigon sa eastern side hay uwa it problema bangud nga supisyente ro tubi nga makapatubi sa haeos 2,277 hectares it kaeanasan nga magasakop sa mga banwa it Banga, New Washington ag Kalibo.
