Ginbida ni Pangueong Ferdinand Marcos Jr. nga nagkaistorya sanda ni Malaysian Prime Minister Anwar Ibrahim para talakayon ro mga ginapangatubang nga hangkat it ASEAN Region partikular eon ro may kaangtanan sa ekonomiya ag seguridad.
Kaibahan pa sa andang naistoryahan ni Anwar hay igapatigayon nga ASEAN Summit sa Malaysia makaron nga buean.
Ginpahayag ni Marcos nga ro ekonomiya ag seguridad ro nagapangunang prayoridad it mga nasyon sa ASEAN bilang kaparte it handom it ASEAN leaders nga mapabilin ro kalinungan ag mapanatag kamana man mapaumwad it husto ro rehiyon para makadungan sa iba pang maeagkong nasyon.
Samtang, nagaeaum mat-a ro Presidente nga magapadayon ro mga talakayan kaibahan ro iba pang ASEAN leaders sa nakataeanang summit makaron nga buean para mas mapanatag ro posisyon sa pagduso it malinong ag mapaumwad nga ASEAN Region.
Mag-eowas sa isyu sa ekonomiya ag seguridad, ginaeauman nga pagatalakayon sa ASEAN summit ro iba pang isyu nga parehong importante sa kada nasyon sa ASEAN.
