Uman nga naglista it pinakamanabang balor it piso kontra sa US dollar matapos magsarado sa ₱63.361 kada dolyar, adlaw it Miyerkules, Oktubre 21.
Mas mahina raya it 27.1 sentimos kumpara sa naunang pagsarado nga ₱63.09 kada dolyar. Raya man ro ika-29 nga kahigayunan makaron nga dag-on nga nakalista ro piso it panibag-ong record low.
Gina-angot it mga ekonomista ro paghina it piso sa mabaskog nga demand para sa dolyar, kawad-an it kasiguraduhan sa pangkalibutanon nga ekonomiya, mataas nga presyo it langis ag nagabahoe nga kakueangan sa balanse it baeayran it nasyon.
Suno sa Bangko Sentral ng Pilipinas, naga-abot sa 9.1 bilyong dolyar ro balance of payments deficit it Pilipinas hasta sa katapusan it Setyembre.
Posibleng magtuga it pagtaas sa presyo it mga gina-import nga produkto, kaibahan ro langis ag pagkaon, ro padayun nga paghina it piso.
Maskin nga mas maabung piso ro posibleng mabaton it mga pamilyang nagabaton it remittance halin sa ibang nasyon, posible man nga mabawasan ro nasambit nga benepisyo bangud sa pagmahae it mga baeak-eon.
