Gina-imbestigahan eon it Department of Migrant Workers (DMW), kaibahan ro iba pang ahensya it gobyerno ag mga international authority, ro gina-alegar nga ilegal nga pagrekrut it mga Pilipino agud nga daehon sa Russia sa tunga it nagapadayun nga giyera nanda it Ukraine.
Suno kay DMW Secretary Hans Leo Cacdac, nakikipag-angot ro ahensya sa Department of Foreign Affairs, Department of National Defense ag Department of Justice-Inter-Agency Council Against Trafficking agud nga matumod ag matapna ro nasambit nga aktibidad.
Raya hay kasunod it mga report nga sangka Pilipino ro ginasugid nga namatay samtang nakikipag-away kaibahan it puwersang Ruso sa Ukraine.
Owa pa ginakumpirma it gobyerno ro nasambit nga report samtang nagapadayun ro imbestigasyon sa posibleng pagkaeakot it iba pang mga Pilipino.
