Nakaalerto ro Department of Energy (DOE) kasunod it pagtaas it pangkalibutanong presyo it langis bangud sa tensyon sa tunga it Israel ag Iran.
Suno kay DOE Officer-in-Charge Sharon Garin, may mga tikang nga ginapatigayon para masiguro ro bastante nga suplay it langis ag mapa-ugan ro epekto kara sa ekonomiya ag pumueuyo.
Ginengganyo it DOE ro mga kumpanya it langis nga amat-amaton ro pagpataas it presyo para maibsan ro bug-at sa mga konsumer.
Nakabutang man sa 2025 national budget ro P2.5 bilyon para sa fuel subsidy it mga tsuper it pampublikong transportasyon ag P585 milyon para sa mga mangunguma ag mangingisda, kun maabot ukon eampas sa $80 kada bariles ro presyo it Dubai crude, nga presenteng una sa $73 kada bariles.
Padayon nga gina-monitor it DOE ro sitwasyon para makapatuman it mga una sa tyempong tikang base sa hueag it pangkalibutanong merkado it enerhiya.
