-- ADVERTISEMENT --
Nagpatuman ro Department of Migrant Workers (DMW) it deployment ban para sa bag-ong hire nga Pilipino sa Iran ag Jordan bangud sa padayon nga tensiyon sa Middle East.
Suno kay Migrant Workers Secretary Hans Leo Cacdac, ginapasugtan ro mga returning OFWs apang indi pa makabiyahe bangud sarado ro airspace sa mga nasambit nga lugar.
Nagpaguwa man ro DMW it Advisory No. 19 series of 2025 para sa deployment restrictions sa Israel, Iran, Jordan, ag Lebanon.
Ginlaygayan ro mga paadto it Jordan nga ipa-iway ro andang biyahe bangud sa proximity kara sa Israel, samtang naga-iral ro deployment ban sa Israel halin pa ku 2023.
Ginpaandaman man it DMW ro mga recruitment agencies nga maga-atubang sa pagsabat kun maga-eabag sa kasuguan.
-- ADVERTISEMENT --
