KALIBO, Aklan — Nagpaguwa ro Land Transportation Office (LTO-Aklan) it show cause order kontra sa multicab driver nga nakabunggo sa sangka Grade 3 learner it Estancia Elementary School samtang nagapatabok sa pedestrian lane, hapon it Miyerkules, Marso 4.
Suno kay Engr. Marlon Velez, hepe it LTO-Aklan nga pagataw-an it kahigayunan ro driver nga magpaathag sa sueod it limang adlaw kon ham-an nga indi dapat nga suspindihon ukon i-revoke ro anang lisensiya.
Ginmandu man it ahensiya ro preventive suspension it lisensya it driver sa sueod it 60 diyas ukon daywang buean samtang ginapatigayon ro imbestigasyon.
Bangud sa naga-eksister nga memorandum nga bawae nga magkumpiska it drivers license, nag-isyu anay sanda it temporary operators permit bangud sa reckless driving .
Apang sa pagpaguwa it show cause order hay ginkumpiska raya.
Base sa pag-review sa CCTV footage, nakaangkon it bayolasyon ro driver bangud sa madasig nga pagpadaeagan maskin nga maeapit eon lang sa pedestrian lane kun sa siin maabu nga mga estudyante ro nagatabok.
Sa makaron ro biktima hay padayun nga nagapamayad sa ospital sa mga lastro nga naangkon ag una eon sa establi nga kundisyon.
