Makipagbahin ro masobra sa 1,000 Japanese military personnel sa nakataeanang Balikatan Exercises makaron nga dag-on.
Suno kay Armed Forces of the Philippines (AFP) Deputy Chief of Staff for Plans MGen. Rommel Cordova, ro magiging simulation makaron nga dag-on hay sambilog sa pinakamabahoe nga military exercises sa kasaysayan it Balikatan kon sa siin bukon eamang it Philippine ag US forces ro nagapangunang makipagbahin sa kabilugan it pag-ensayo.
Mag-eowas sa Japanese soldiers, makipagbahin man ro ginatos nga military personnel halin sa Australia, Canada, New Zealand, ag France.
Ginasapinal man ro partisipasyon it hasta sa 18 nga iba pang mga nasyon sa idaeom it Balikatan International Observers Program.
Sa makaron hay nagapadayon eon sigon ro preparasyon samtang nagahipait ro military simulation nga nakataeanang igapatigayon halin Abril hasta it Mayo 2026.
Raya ro unang kahigayunan nga makipagbahin ro Japan sa mabahoe nga simulation matapos mapirmahan ro Reciprocal Access Agreement (RAA) nga nagatao it daean para sa mas maabong military cooperation sa tunga kara ag it Pilipinas.
