Gin-anunsyo it lokal nga gobyerno it Banga nga kanselado anay ro mga aktibidad para sa nagahilapit nanda nga town fiesta sa maabot nga Mayo 1 it makaron nga dag-on.
Suno kay Banga Mayor Noel Boy Redison nga tuyo kara nga indi makapaguwa it pondo ro LGU Banga nga pagagastuson sa mga nakasanayan nga mga aktibidad kada dag-on.
Apang pagapasugtan ro pilang cultural activities nga pagapondohan it mga pribadong grupo kapareho it Buling-Bulingan Festival Merry-making ukon sad-sad sa palibot it plaza sa gintaeana nga lugar, oras ag petsa.
Ginpaathag ni Mayor Redison nga ro desisyon hay sandig sa direktiba ni President Marcos Jr., nga magpatuman it energy conservation ag maid-id nga paggamit it pampublikong pondo samtang ginapabilin ro mataas nga kalidad it serbisyo.
Raya hay sa tunga it padayun nga pagtaas it presyo it produktong petrolyo tuga it tensyon sa Middle East.
Ro nasambit nga tikang hay aprubado it tanan nga Punong Barangay ag miyembro it Sangguniang Bayan it Banga.
