Ginpasugtan eon it gobyerno it United Kingdom ro U.S. nga gamiton ro mga military base agud magpatigayon it mga missile strike kontra sa mga missile site it Iran nga ginagamit sigon sa pag-atake sa mga barko sa Strait of Hormuz.
Nakaangkon it pagpueong ro mga opisyal it U.K. agud talakayon ro tensyon sa Iran ag ro pagharang kara sa Strait of Hormuz nga ginakabig nga sangka importanteng aeagyan it langis sa kalibutan.
Nasayuran nga nakabaehag sa kasugtanan ro paggamit it Estados Unidos sa mga base military it UK nga kaparte it “collective self-defense” sa rehiyon, nga ginakaeakipan it mga operasyong nagatuyo nga pahinaon ro mga missile site nga ginagamit sa pag-atake sa mga barko sa strait.
Madumduman nga nauna eon nga ginpamalibaran ni U.K. Prime Minister Keir Starmer ro hinyo it Amerika bangud sa gusto sigon nana nga masigurong nakabase sa laye ro anumang military action.
