-- ADVERTISEMENT --
Iniulat ng mga media sa Estados Unidos na boluntaryong nagpa-rehab ang pop superstar na si Britney Spears matapos siyang maaresto noong Marso sa hinalang pagmamaneho habang lasing sa Los Angeles area.
Ayon sa ulat, pansamantalang ikinulong si Spears ng Ventura County Sheriff’s Department bago pinalaya at nakatakdang humarap sa korte sa Mayo 4 kaugnay ng kasong DUI.
Napag-alamang kusa siyang pumasok sa isang treatment facility, bilang bahagi ng pagharap sa insidente na itinuring na seryoso ng kanyang kampo. Kilala si Spears bilang isa sa pinakamalalaking pop icon sa mundo na sumikat noong huling bahagi ng 1990s, at dati ring nasa ilalim ng conservatorship na natapos noong 2021.
