Sangka 26 anyos nga babaye sa Mexico ro nakibot matapos nga madiskubrehan nga ro rason it anang haeos sang buean eon nga pag-inubo hay bukon it bangud sa plema kundi sa nose piercing nga nagbara sa anang baga.
Ginpakigbahin ni Monica Deyanira Cabrera Barajas nga eubus imaw nga nangawa sa indi maduea-duea nga pag-inubo maskin nga naga-inom man imaw it bueong para kara rason nga ko ulihi hay nagdesisyon nga mag-agto sa ospital.
Kat ginpaidaeum sa X-ray, idtu nakita ro rason it anang masakit.
Insigidang gin-operahan si Barajas apang owa pa nabo-oe ro circular metal barbell sa anang baga matapos ro masobra sang oras. Sa ikaywa nga procedure, nabo-oe ro metal piercing sa anang eawas.
Nagapati ro babaye nga nakakas ro sambilog sa metal stoppers sa punta it piercing sa anang ilong ag natueon nana raya samtang nagakatueog.
