Bag-uhon ro sistema imbes nga awayon ro mga 4ps beneficiaries. Raya ro ginpahayag ni Prof. Danilo Arao it University of the Philippines College of Mass Media and Communication.
Suno kana, mabuhay eon nga debate ro istorya sa 4ps, ag hasta sa makaron hay uwa it pinag-bag-o sa sistema. Sa pihak nga manami ro nasambit nga tikang para sa mga pumueuyo nga una sa laylayan, bukon man dapat it habambuhay nga naga-salig ro mga raya sa ayuda halin sa gobyerno.
Dapat sigon hay may klaro nga programa ag limitado ro pag-panupod it cash assistance, apang dapat pokusan ro pag-tao it assistance para kanda sa pag-usoy it trabaho, ukon ro pag-tao it mga oppurtunidad sa andang pangabuhian.
Dugang pa kara, ro pag-panao it cash assistance hay maabong maeain nga epekto nga imbes makabulig hay posible pa nga maging daean sa pag-alaga it anadang pagiging dependent sa ayuda, ag pwede pa sigon nga magamit sa political nga bagay.
Paathag ni Prof. Arao, ro gobyerno ro may kakueangan bangud nga uwa natataw-an it patas ag bastante nga suporta ro maabo eabi eon ro una sa laylayan.
Sa pihak kara, dapat nga man sigon nga likawan it pumueuyo nga tan-awon ro mga myembro it 4ps bilang mga tamad ag naga-salig eamang sa gobyerno. Ro minatuod nga problema sigon hay ro mismong sistema it ag responsibilidad it gobyerno nga dapat dueungan nga sukton it pumueuyo.
