Padayun nga nagataas ro posibilidad it pagtama it El Niño sa mga masunod nga buean, partikular makaron nga Hunyo, Hulyo, ag Agosto.
Ginpahayag ni Philippine Atmospheric, Geophysical and Astronomical Services Administration (PAGASA) Climate Monitoring and Prediction Section Chief Ana Liza Solis nga posibleng magpaguwa eon it El Niño advisory ro ahensya pag-abot it Hunyo.
Halin sa dating 79% nga tsansa sa pagtama it El Niño, nagsaka eon raya makaron sa masobra sa 90%.
Apang ginklaru it PAGASA nga bukon pa it El Niño ro direktang rason it grabeng init nga naeksperyensiyahan sa nasyon bangud nga nagapabilin gihapon ro Pilipinas sa warm ag dry season.
Posible sigon nga mabatyagan ro epekto it El Niño kadungan it habagat sa Hunyo hasta Agosto, kun sa siin posibleng maka-eksperyensiya anay it mga mabaskog nga uean antes nga maghina ro pag-uean sa masunod nga mga binuean.
Ginlaygayan man it PAGASA ro publiko nga tutukan eamang ro opisyal nga abiso it ahensya ag maglikaw sa nagakalhit nga saea nga impormasyon online.
