Nakasueod eon sa quarterfinals ro Filipino tennis star nga si Alex Eala matapos piyerdihon si Russia’s Alina Charaeva, 6-2, 7-5, sa Birmingham Open.
Madasig nga nakontrol ni Eala ro unang set pinaagi sa solidong serve ag early break rason nga insigidang naangkon ro 6-2 nga daog sa opener.
Sa ikaywang set, mas naging masandukot ro hampang matapos makakita it tyansa si Charaeva ag maka-abanse it 5-2 kay Alex. Sa pihak kara, owa nagbuhi si Eala ag nagpakita it hugut nga composure para makabalik sa hampang.
Amat-amat nana nga ginpaea ro abanse it kaengkwentru hasta nga makabo-oe it sunod-sunod nga puntos ag maipatas ro hampang antes nga eubusan nga gintapos ro set sa 7-5.
Bangud sa kadaeag-an, nakasueod eon si Eala sa quarterfinals kun sa siin maka-atubang nana si Thailand’s Mananchaya Sawangkaew.
