Nagapanawagan ro Malacañang kay Davao City Mayor Sebastian “Baste” Duterte nga unahon ro kamaeayran it mga residenteng apektado it pagbaha sa Davao City sa baylo nga batikuson ro administrasyon.
Raya ro naging sabat it Malacañang matapos batikuson ni Duterte ro administrasyong Marcos sa PDP-Laban National Assembly.
Suno kay Palace Press Officer Claire Castro, bag-o eamang sigon nga halin si Baste sa bakasyon apang sa baylo nga tutukan ro kahimtangan it anang mga nasakupan hay mas pa nga gin-una nana ro pamulitika.
Ginpahayag man ni Castro nga kun ginasubaybayan sigon ni Baste ro mga balita, masayuran kara ro mga programa ag proyekto it gobyerno.
Angot man sa impeachment trial ni Vice President Sara Duterte, ginpamilit ni Castro nga mandato raya it Kongreso ag owa it kahilabtanan si Pangueong Ferdinand Marcos Jr.
Dugang pa nana, kun gusto sigon nga magpadaeagan nga Pangueo ni Vice President Sara Duterte sa paeaabuton, mas mayad nga maklaruhan anay ro mga ginapangatubang kara nga alegasyon, kaibahan ro isyu it confidential funds ag gina-alegar nga unexplained wealth.
