Haum ro Kamara nga sabton ag obrahon nga laye ro mga ginplastar ni Pangueong Ferdinand Marcos Jr., sa anang ika-limang State of the Nation Address ukon SONA 2026.
Suno kay House Speaker Faustino Dy III, pagataw-an it prayoridad it Kamara ro mga proposisyon nga magapa-ugan sa paeas-anon it mga Pilipino, kaibahan ro pagpaeapad it income tax exemption para sa mga trabahador nga nagakita it hasta sa P350,000 kada dag-on, pagpanaba it income tax para sa iba pang empleyado, tax exemption para sa maintok nga negosyo, ag tax amnesty para sa pilang owa nabayarang buwis kapareho it donor’s tax, value added tax, ag iba pang multa.
Suportado man it Kamara ro mga tikang agud nga mapanaba ro sukot sa kuryente, kapareho it pagpasa it “Sariling Kuryente Act para sa mas masarangan sa boesa nga rooftop solar systems ag mga amyenda sa EPIRA Law agud nga boe-on ro pagsukot sa systems loss ag nagakaigo nga VAT sa mga konsyumer.
Mag-eowas kara, iga-prayoridad man nga maeakip sa tax exemption ro mga trabahanteng nagakita it hasta sa P350,000 kada dag-on.
Ginpamilit ni Speaker Dy nga bilog ro suporta it Kamara sa ehekutibo agud nga maging laye ro mga repormang magapaugan sa gaeastuson it mga kababayan, magapabaskog sa ekonomiya it nasyon ag mapamayad ro kalidad it pagpangabuhi it kada Pilipino.
