Ginapatugis ni Senador Panfilo Lacson sa mga awtoridad ro mga una sa likod it grupong ginakabig nga “Maleta Boys” ag ro gina-alegar nga mga promotor it pagpataeang nga gintuga it andang mga alegasyon sa nakataliwan nga mga buean.
Raya hay kasunod it pagbawi ukon pag-recant it ap-at sa 18 nga dating tawuhan ni Cong. Elizaldy Co sa andang naunang pahayag nga gina-alegar nga naghatud sanda it mga maleta nga may sueod nga kickback para kanday Pangueong Ferdinand “Bongbong” Marcos Jr., dating House Speaker Martin Romualdez, ag iba pang opisyal it gobyerno.
Suno kay Lacson, nagakadapat eamang nga matumod, tugison, ag pasabton sa idaeum it laye ro mga una sa likod it gina-alegar nga nagtuga it pagtaeang ag kontrobersiya nga ginaeakutan it “Maleta Boys.”
Nagaeaum man ro senador nga magapatigayon it maid-id nga imbestigasyon ro mga awtoridad agud matumod ro mga responsable ag mapasabat ro mga raya kun may pageabag nga nahimo.
Samtang, ginpahayag ni Lacson nga sa baylo nga klaruhon ro isyu, mas pa sigon nga nag-abu ro mga pangutana matapos bawion it pila sa mga dating security personnel ni Co ro anang mga testimonya.
Ginpamilit it senador nga ro magkaiba ag pabago-bag-ong pahayag it mga eakot sa nagkaeain-eain nga kahigayunan hay nagpataeang sa publiko, rason nga nabudlayan ro mga pumueuyu nga matumod kon ano ro andang mga alegasyon nga may kredibilidad.
